Trajneri italian, Marcelo Lippi, beson te Juventusi. Ai e njeh Juventusin, e di se çfarë do të thotë për të fituar.

Ai beson se torinezët do t’ia dalin mbanë edhe ndaj skuadrës së Monacos. Psikologjikisht, veç të tjerave, ekipi i Allegrit e di si të luajë në një gjysmëfinale të Champions League në futboll. “Juventusi është rritur aq shumë nëpër ndeshjet kundër ekipeve të mëdha. Epërsia në Itali është shumë e padiskutueshme tani. Në Torino ekziston një vetëdije për mundësitë reale të këtij Juventusi. Aty nuk bëhet kurrë gabimi për ta nënvlerësuar kundërshtarin”, tha Lippi.

“Monaco, e udhëhequr nga Mbappe dhe Falcao ka provuar të jetë një ekip i mirë. Skuadra franceze ka një grimë problemesh në mbrojtje, por Juventusi nuk e bën kurrë gabimin që të nënvlerësojë. Kurora e trefishtë? Një fjalë, që shumë tifozë të Juventusit duan ta shqiptojnë me forcë në këto kohë. Tripleta është në mundësitë e Juventusit, pa mendjemadhësi. Në futboll nuk bëni llogaritje, por ju duhet të përpiqeni për të fituar gjithçka. Juventusi e ka ende këtë mundësi, si askush tjetër më në Europë”, ka thënë Lippi.